25 de abril de 2024

Novo servizo: Empresario Colectivo. Modificación de Empresa e/ou Persoas Vinculadas

Este servizo permite solicitar a modificación dos datos de empresa, comunicar rexistros de novas persoas vinculadas así como eliminar ou modificar datos destas.

18 de marzo de 2024

Novo acceso á Solicitude de Morte e supervivencia nacional para representantes.

Habilitouse o acceso á Solicitude de Morte e Supervivencia para representantes a través do Portal A túa Seguridade Social. Este servizo permitirá a presentación de solicitudes de Morte e Supervivencia en nome doutros, logo de autorización polos representados mediante unha ligazón que recibirán a través dun SMS no seu teléfono móbil.

22 de febreiro de 2024

Xa está dispoñible o certificado de retencións do IRPF do exercicio 2023

Poñemos a disposición dos que percibisen algunha prestación suxeita ao Imposto sobre a renda das persoas físicas (IRPF) o certificado de retencións do exercicio 2023. Podes descargalo na ligazón “Certificado de IRPF” unha vez entres en A túa Seguridade Social. Este certificado estará dispoñible para a súa descarga durante todo o exercicio.

07 de febreiro de 2024

Novo servizo: Consulta de recibos de emprego de fogar

Este servizo permite a consulta do historial de recibos emitidos pola Seguridade Social, a todas as persoas que son ou foron empregadoras de fogar.

25 de xaneiro de 2024

Novo servizo: Renuncia/Prórroga de tarifa plana no Réxime Especial do Mar

Este servizo permite solicitar a renuncia expresa da redución na cotización (Tarifa Plana) así como realizar a solicitude do período de prórroga dos 12 ou 36 meses naturais completos adicionais de tarifa plana respecto daqueles traballadores por conta propia do grupo primeiro do Réxime Especial do Mar, cuxos rendementos económicos netos anuais sexan inferiores ao salario mínimo interprofesional anual que corresponda ao devandito período.

11 de xaneiro de 2024

Novo Servizo. Prórroga da tarifa plana en traballo autónomo.

Se te beneficias da tarifa plana, a partir do 1 de xaneiro de 2023 podes solicitar a súa prórroga de 12 meses máis, en Importass, sempre que a previsión dos teus rendementos en traballo autónomo para o vindeiro ano sexa inferior ao Salario Mínimo Interprofesional.

13 de novembro de 2023

Modificación servizo “Como vai a miña prestación? (Outros accesos)”

O servizo para representantes profesionais que permite consultar o estado de solicitudes presentadas que se proporcionaba en “Como vai a miña prestación? (Outros accesos)”, agora está dispoñible en EMPRESAS – Prestacións co nome de “Consultar estado de solicitudes xestionadas por representación”.

24 de outubro de 2023

Novo servizo: Consulta os recibos emitidos para o Sistema Especial de Traballadores Agrarios en situación de inactividade

Este servizo pon a disposición dos traballadores por conta allea agrarios en períodos de inactividade, como suxeitos obrigados ao pagamento, a posibilidade de consultar os recibos de liquidación mensuais nos que se detalla a información relativa ás cotas de Seguridade Social.

24 de outubro de 2023

Novo servizo: Consulta de recibos emitidos de Convenios Especiais - Empresas

Este servizo pon a disposición dos responsables do pagamento das cotas de convenios especiais que sexan persoas físicas, ou, se é o caso, os seus apoderados persoas xurídicas, a posibilidade de consultar os recibos de liquidación mensuais nos que se detalla a información relativa ás cotas de Seguridade Social.